Алтынньы 19 күнүгэр Ылахов Алексей Иванович диэн 34 cаастаах киһи сидьиҥ дьон илиититтэн кырбанан, суорума суолланна. Сэтинньи 10 күнүгэр 35 сааһын туолуохтаах эбит...
Бакаа баар дааннайдарынан, А. Ылахов алтынньы 7 күнүгэр, чэппиэргэ, быһа холоон киэһэ 20:00 саҕана Экспериментальнай уул.-нан дьиэтиттэн тахсыбыт (Кирзавод оройуона), салгыы "Рассвет" маҕаһыын диэки барбыт. Халлаан күөҕэ баайы бэргэһэлээх, хара толстовкалаах, хараҥа халлаан күөҕэ спортивнай ыстааннаах уонна кугас бачыыҥкалаах эбит. Үрдүгэ -- 165 см.
Алтынньы 8 күнүгэр сарсыарда ибили хаан буолан, бүттэтэ суох кырбанан кэлбитин балыыһаҕа илдьибиттэр. Ол күнтэн ыла балыыһаҕа өйө суох сытан баран, алтынньы 19 күнүгэр тыына быстыбыт.
Чугас дьоно силиэстийэлиир уорганнары, үрдүкү салалтаны уонна уопсастыбаннаһы туора турбаттарыгар ыҥырар. Баҕар бу түбэлтэҕэ туох эрэ кыра да билиилээх дьону 89142253952 уонна 443005 нүөмэрдэргэ эрийэн биллэргитигэр көрдөһөллөр. Өлөрүөхсүттэр кимнээх буолаллара биллибэт.
