Суһал сулууспа уонна хайдах да кэмҥэ кыайан тохтообот производствоҕа үлэлиир үлэһиттэр 803 оҕолоругар аналлаах уһуйааннарга 61 дьуһуурунай бөлөх тиһигин быспакка үлэлии турар.
Ол курдук, учууталлар, быраастар, полициялар уонна да атын социальнай суолталаах тэрилтэлэр үлэһиттэрин оҕолоро Эдьигээн улууһун 4 дьуһуурунай уһуйааныгар, Ньурбаҕа – 32, Тааттаҕа – 11, Үөһээ Бүлүүгэ – 12 уонна Хаҥалас икки уһуйааныгар сылдьаллар. 734 уһуйаан штатнай эрэсииминэн үлэлииллэр, “Кэскил” диэн Таатта Харбалааҕын уһуйаана күнүскү ньыманнан үлэтин сөргүттэ. Билигин ОРВИ уонна тумуу дьаҥыттан 7 уһуйаан харантыыҥҥа баран турар: Сунтаарга, Хаҥаласка, Бүлүүгэ уонна Уус Алдаҥҥа. Чокурдаах уһуйааныгар коронавирус булуллан сабыллан турар.
