“Российский Север Арктики” диэн кластеры 2029 сылга дылы Булуҥ улууһун үс нэһилиэгэр тэрийиэхтэрэ. Бу туһунан ТАСС суруйар.
“Кыһын Саха сириттэн саҕаланар” бэстибээл чэрчитинэн ыытыллыбыт тэрээһиҥҥэ бу туһунан туризмы сайыннарыы уонна территориальнай маркетинг ааҕыныстыбатын эрэгийиэннээҕи генеральнай дириэктэрэ Наталья Тюкавкина эппит. “Арктическэй туризмҥа интэриэс сыллата улаатар. Сотору кэминэн, 2029 сылга дылы, Булуҥ улууһугар “Российский Север Арктики” диэн кластер баар буолуоҕа”, - диэн Тюкавкина кэпсээбит. Бу бырайыак 2035 сылга дылы Саха сирин Арктическэй зонатын социальнай-экэнэмиичэскэй сайдыытын тосхолугар киирбит. Быһа барыллаан, бырайыак сыаната 370 мөл.солк. тэҥнэспит. Туристыыр кластер Тиксиигэ, Найбаҕа уонна Быков тумулугар тэриллиэҕэ.
