Киир

Киир

Билигин хоруона дьаҥын будулҕаныгар олоробут. Дьон КТ-га түһэ-түһэ “тыҥабыт төһө эрэ бырыһыана сиэммит үһү” диэн соһуйар-уолуйар. Сорох дьон ону “хаһан да чөлүгэр түспэт үһү” эҥин диэн уока арыыны кутан куттууллар.

Александр Карабиненко диэн пульмонолог-быраас Sputnik араадьыйаҕа кэпсээбитинэн, хоруона дьаҥынан ыалдьыбыт дьон үксэ өр кэм устата тыынар уорган ыарыытыттан эрэйдэнэр, аҕылыыр, тыына кылгыыр, сөтөллөр. Ол да гыннар, киһи тыҥата ити курдук бааһы-үүтү бэйэтэ оһорунан кэбиһэр уратылаах. Чэ, быһата, хойутаан эбэтэр эрдэлээн, тыҥа син биир чөлүгэр түһэр, урукку киэбин ылынар эбит. Биллэн турар, соруйан онно мэһэйдэспэтэххэ, үрдүн үөһэ тоҥорботоххо... “Табахтааһын эмиэ тыҥа үтүөрэригэр мэһэй буолар” диэбиттэр.

Тарҕат:

Санааҕын суруй