Саха сирин хоту өттүгэр С-300 систиэмэннэн сэбилэниллибит саҥа зентинэй ракетнай пуолка чааһын арыйдылар. Бу туһунан Интерфакс суруйар.
Хотугу флот командующайа Александр Моисеев эппитинэн, дойду Арктика уонна хоту өттүгэр салгыы аармыйаны сайыннарыыга былааннаах үлэ тиһигин быспакка барыаҕа. Кини эппитинэн, билигин Хотугу муора суола аармыйа кыраҕы көмүскэлигэр сылдьар. Саҥа Сир тумус арыыга “Триумф” диэн ПВО С-400 аныгылыы комплекстара бойобуой дьуһуурустубаны толороллор, Саха сирин хоту өттүгэр саҥа зенитнэй ракета пуолката баар буолбут. Маны таһынан, Лаптевтар муораларын кытыытыгар уонна Котельнай арыытыгар радиотехническэй чаас, авиация харабыллыыр.
