Киир

Киир

Саха сирин Конституционнай суутун бэрэссэдээтэлэ, Арассыыйа юристарын Ассоцициятын Саха сиринээҕи салаатын бэрэссэдээтэлэ, юридическэй билим дуоктара, бэрэпиэссэр Александр Николаевич Ким-Кимэн “Конституция. Государство. Общество. (Социальные обязательства юриста) ” диэн бөдөҥ хомуурунньуга 2019 сыллаахха тахсыбыт.

Хомуурунньугу бүгүн, ахсынньы 9 күнүгэр, Зум платформа нөҥүө ааҕааччы кэмпириэнсийэтигэр ырытыстылар. Кинигэҕэ Александр Ким Кимэн өр сыллаах үлэтин устата суруйбут дакылааттара, мунньахтарга этиилэрэ, чинчийиилэрэ киирбиттэр. Киирии тылы МГУ конституционай уонна муниципальнай быраабын кафедратын сэбиэдиссэйэ, бэрэпиэссэр С.А. Авакьян уонна Саха сирин Конституционнай суутун бастакы бэрэссэдээтэлэ, юридическэй билим дуоктара, бэрэпиэссэр Дмитрий Миронов үрдүктүктүк  сыаналаабыттар.

Кинигэ алта бастан турар. Манна Саха сиригэр конституционнай правосудие, култуура, судаарыстыбаннас кыһалҕалара эрэ буолбакка, Саха сирин биллиилээх юристара, юридическэй үөрэхтээһин бас-көс дьонноро, былаас диалога, уопсастыба уонна биисинэс алтыһыылара, юрист социальнай эбэһээтилистибэтэ (маннык эбээһээтэлистибэ быраастарга, учууталларга эрэ буолбакка, юристарга эмиэ баарын ааҕан сөҕөҕүн) уонна бэрт интэриэһинэй спортивнай быраап, Саха сиригэр национальнай успуорт көрүҥнэрин атаҕар туруута уонна спортсменнар бырааптарын көмүскээһин уопутуттан кытары киллэриллибит.

Тарҕат:

Санааҕын суруй

Бүтэһик сонуннар