Киир

Киир

Дьокуускай куорат 66 саастаах биэнсийэлээҕэ түөкүттэргэ 2,2 мөл. солк. биэрээхтээбит. Кини инвестицияҕа харчылаһыам дии санаахтаабыт.

Биэнсиэйлээх оҕонньор интэриниэккэ “чэпчэкитик харчы өлөрөр туһунан” эрэкэлээмэни көрбүт уонна ыйыллыбыт төлөпүөҥҥэ эрийэн “финансовай эспиэри” кытары сибээстэспит. Ол киһи оҕонньор кулгааҕын дэлби таһыйбыт “биһиги инвестиция ырыынагар үлэлээбиппит 11 сыл буолла, харчы угаҥҥын хаһан да харахтаан көрбөтөх харчыгын өлөрүөҥ” эҥин диэн лапсалаабыт. Ону итэҕэйэн, оҕонньор хас да бааннартан уопсайа 2 249 313 солк. кирэдьиити ылбыт уонна түөкүн счетугар ыыппыт. Сотору буолан баран, оҕонньор “тус кэбиниэтигэр” киирэн счетун көрбүтэ, кырдьык-хордьук 58 495 дуоллары “өлөрбүтүн” туһунан иһитиннэрии баар эбит. Дьэ, “куш” саайдым диэн, оҕонньор үөрүүтүттэн ол харчыны устаары санаммыт. Онуоха “үп хампаанньатын бэрэстэбиитэлэ” эбии “страховкаҕа анаан 30 тыһ. дуоллары угаҕын” диэбит. Оҕонньор отоойкоҕо олорбутун билэн полицияларга тыллаабыт.

Тарҕат:

Санааҕын суруй