Саха сирэ дойдуга биир бастакынан Новосибирскайдааҕы “Вектор” киин оҥорбут хоруона хамсыгын саҥа вакцинатын ылыаҕа. Өрөспүүбүлүкэҕэ 1200 вакцина дозата кэлиэҕэ.
Бу туһунан Айсен Николаев суруналыыстары кытары бүгүҥҥү көрсүһүү кэмигэр эттэ. “Биһиги бу вакцинаны Арассыыйаҕа биир бастакынан ылыахпыт. Бастатан туран хамсыгы кытары бохсо сылдьар дьоммутугар биэриэхпит”, - диэтэ Ил Дархан. Кини өрөспүүбүлкэҕэ хоруона хамсыгын утары быһыы номнуо саҕаламмытын тоһоҕолоото, бастакы 800 вакцианын эмчиттэр ылбыттар.
