Мииринэйдээҕи киин балыыһа туох баар күүһүн хоруона хамсыгын утары охсуһууга уурар. Эмчиттэр бэйэлэрин харыстаммакка үлэлииллэр.
Ол түмүгэр балыыһа араас салааларын уонна хайысхаларын эмчиттэрэ ыалдьыталыы тураллар.Тоҕо диэтэххэ, Мииринэйгэ ыарыыны тарҕатааччы-"бессимптомнай" ыарыһах олус элбэх.
Кинилэргэ:"Эһиэхэ, дьону сутуйар кутталлаах вирус баар, дьиэҕитигэр олоруҥ, ханна да тахсымаҥ!" диэбиттэрин үрдүнэн, поликлиникаттан ончу арахпаттар.Ыарыы, дьаҥ төрүөтэ-төбөтө буоллулар.Бу түмүгэр, травматолог, хирург, тиис быраастара, үгүс терапевт уо.д.а хоруона хамсыгынан ыалдьыталаатылар.
"Кыһыл" ковиднай отделение реанимациятыгар биллиилээх кырдьаҕас быраас ИВЛ аппараатыгар холбоно сытар.Уопсайынан, эмчиттэр ноҕуруускалара, муус устар 15 күнүгэр, инфекционнай госпиталь тэриллиэҕиттэн ылата, хас да бүк улаатта.Мииринэй эмчиттэрэ, Сунтаар, Ленскэй, Ньурба оройуоннарыттан ыарыһахтары эмтииллэр.Манна эбэн кэбиһиэҕиҥ, эмиэ атын эрэгэйиэн тэрилтэлэрин - "СК Бурение", "Спецмонтаж", "Востоксибспецмонтаж" үлэһиттэрин.
Саатар Мииринэй аптекаларыгар, хоруона хамсыгын утары охсуһар эмтэр-арбидол, курантил сүттүлэр. Билигин, аны ити эмтэри солбуйар кыахтаах, ингеверин, вильфансалютаб сүтүөх курдуктар. Онон, Мииринэй олохтоохторун, сэрэхтээх буолалларыгар, уопсастыбаннай миэстэлэргэ, маҕаһыыннарга, ырыынакка, кафеларга "одноразовай" мааскаларын куруук кэтэ сылдьалларын, таһырдьа тахсыах иннинэ илиилэрин антисептиктаналларыгар, дьиэлэригэр кэллэхтэринэ илиилэрин мыылалаан, итии ууга сууналларын умнубаттарыгар ыҥырыам этэ.
Станислав Алексеев. Мииринэй куората.
