Киир

Киир

Быйыл күһүн Дьокуускай аэропордугар көтөр балаһа саҥардыллан оҥоһуллар буолан, сөмөлүөт көтөр-түһэр балаһата 1600 миэтирэнэн кылгаан биэриэҕэ. Инньэ гынан улахан сөмөлүөттэр кыайан көтөр кыахтара суох буолар. Оччоҕо Дьокуускайтан  улахан сөмөлүөттэр хайдах көтөр буолуохтарай?

 2021-2022 сс. билиҥҥи туттуллар уонна саҥардыллан оҥоһуллуохтаах көтөр балаһалар холбоноллоругар хайаан да пандус баара ирдэнэр. Билигин Росавиация (балаһа тутуутун сакаасчыта) "Ленаэоропроект" тэрилтэтэ ити холбуур пандуһу оҥорорго бырайыагы тобула сылдьар эбит. Онуоха саҥа оҥоһулла сылдьар бырайыак судаарыстыбаннай эспэртиисэ түмүгүн бу дьыл кулун тутарыгар биирдэ ылар кыахтаах. Онно сөптөөх харчы номнуо көрүллүбүт диэн Росавиация иһитиннэрэр. Бу ининэ, өрөспүүбүлүкэ бырабыытлыстыбата ити пандус тутуутугар эбии 80 мөл. солк. ирдэнэр диэн иһитиннэрбиттээх.

Көтөр балаһаны саҥардан оҥоруу үлэлэрэ аэропорт эргин ууну сүүрдэр ситимнэр оҥоһулуннахтарына биирдэ сөргүтүллэрин этэллэр. Онуоха уу сүүрэр 8 ситим бырайыагын "Спецводстрой"ХЭУо бэлэмнии сылдьар эбит. Мээрийэ бу күннэргэ ити уу сүүрэр ситим бырайыага судаарыстыбаннай эспэртиисэни ааспытын эттэ, инньэ гынан үлэ 2021 сыл кулун тутарыгар сөргүтүллэр буолла.

Көтөр балаһалар өрөмүөннэнэр кэмнэригэр атын эрэгйиэннэргэ көтөргө "Якутия" уонна "АЛРОСА" авиахампаанньалар Боинг 737-700 сөмөлүөттэрэ эрэ сырыыны оҥоруохтара. Бу туһунан көлө миниистирэ  Владимир Сивцев иһитиннэрдэ. Ааспыт сыл сэтинньитигэр "Якутия" авиахампаанньа үһүс Боинг 737-700 сөмөлүөтү ылбыта. Уопсайа 5 маннык сөмөлүөт баар буоллаҕына быһа эриэйсэлэр толору оҥоһуллар кыахтаахтар. Миниистир Владимир Сивцев эппитинэн, билигин Саха сирин олохтоохторо сайыҥҥы өттүгэр уоппускаҕа атын эрэгийиэннэргэ харгыһа суох көтөллөрүгэр S7 уонна Azur Air авиахампаанньалары кытары кэпсэтиини ыыталларын эттэ. 

Тарҕат:

Санааҕын суруй

Бүтэһик сонуннар