Коронавирус саҥа ордук сиэмэх көрүҥэ Великобританияҕа бэлиэтэммитэ уонна хайыы-үйэ аан дойдуну тилийэ көтөн эрэр.
Арассыыйаҕа бу саҥа ордук кутталлаах штамм кэлбитин туһунан Анна Попова иһитиннэрэн турар, Великобританияттан кэлбит киһиттэн булбуттара. Бу коронавирус саҥа британскай көрүҥэ 70 бырыһыан ордук күүскэ тарҕанарынан кутталлаах. Новосибирскайдааҕы "Вектор" киин бу көрүҥү чинчийэн саҕалаата. Бүгүн Арассыыйа Великобританияны кытары сөмөлүөтүнэн сырыыны аны олунньу 1 күнүгэр тылы бүтүннүү тохтоторун туһунан быһаарыыны ылынна. Биллэн турар, биһиги ол дойдуга үмүөрүспэппит да буоллар, саатар бу ыарыы Саха сиригэр кэлбэтин диэн үҥэбит эрэ.
