Ааспыт сылга Саха сиригэр 104 киһи мэдэссиинэ, социальнай эбэһээтистибэлэринэн толору хааччыллар кыаҕы туһанан көһөн кэлбит.
Тас дойдуттан көһөн кэлэр дьоҥҥо анаан "Оказание содействия добровольному переселению в Якутию соотечественников, проживающих за рубежом" диэн анал бырагыраама үлэлиир. Бу бырагыраама 2018 сылтан быһа үлэлиир. Бу кэм устатыгар өрөспүүбүлүкэҕэ 320 СНГ дойдуларыттан гражданнар кэлэн олохсуйбуттар. Бырагыррама кыттыылаахтара Арассыыйа гражданствотын судургутук ылар кыахтаналлар, кинилэргэ туох баар судаарыстыбаннай төлөбүрдэр, өҥөлөр оҥоһуллаллар, үлэни булалларыгар күүс-көмө буолаллар. Бырагыраама 83 кыттыылааҕар уонна кини дьиэ кэргэнигэр материальнай көмө оҥоһуллубут, 15 кыттыылаахха дьиэ куортамнаһалларын төлөөбүттэр, 35 киһиэхэ мэдэссиинэ өҥөтүн төлөөбүттэр.
Саха сиригэр ордук Арменияттан, Казахстантан, Кыргызстантан уонна Таджикистантан көһөн кэлэллэр. Кинилэр ортолоругар учууталлар, мэдэссиинэ эйгэтин үлэһиттэрэ, инженердэр, тезническэй идэлээх дьон, ону таһынан оробуочайдар - машинистар, проходчиктар, силиэсэрдэр, суоппардар элбэхтэр.
