Ил Түмэн дьокутаттарыттан ураты, хамсыгы утары быһыыны бырабыыталыстыба чилиэттэрэ уонна судаарысытыбннай сулууспалаахтар күргүөмүнэн ылбыттар.
Вакцинаны биэри парламентдьиэтигэр тохсунньу 15 күнүгэр ыытылыбыт диэн Ил Түмэн пресс-сулууспата иһитиннэрэр. Быһыыны 3-с №-дээх өрөспүүбүлүкэ балыыһатын үлэһиттэрэ биэрбиттэр. Кинилэр "Гам-КОВИД-Вак" уонна "ЭпиВакКорона" вакцинаны биэрбиттэр.
Биир бастакынан быһыыны хомуньуус Виктор Губарев ылбыт. Кини Арассыыйа оҥорбут вакцинтыгр эрэнэрин уонна бу дьаҥы кыайарыгар саарбахтаабатын үллэстибит. Кини өссө сэбиэскэй кэмтэн араас ыарыылары кыайан кэлбитин холобурдаабыт. "Сүрүнэ - эмчиттэр этэр сүбэлэин тутуһуохпутун наада", - диир Губарев кырдьаҕас.
3-с балыыһа терапевт-бырааһа Марианна Никитина этэринэн, хоруона хамсыгын быһыыта икки түһүмэхтээх ыытыллар. Иккис быһыыны 3 нэдиэлэ буолан баран биэрэллэр. Кини вакцина коронавирустан 100 бырыһыан харыстыырын дакаастаабыттарын ахтар. Быраастар 65 саастарыттан үөһээ аҕа саастаахтар, тыынар, сүрэх уорганнарыгар дьарҕа ыарыылаахтар уонна сахардаратахсар дьон хайаан да ылаллрын сүбэлииллэр. Вакцинаны биэриэх иннинэ быраас хайаан да көрөр-истэр, аллергиялаах, хат уонна эмтэрэр дьахталарга быһыыны биэрэр көҥүллэммэт. Оттон коронавирустабыт дьон 6 ыйбулан биирдэ быһыыны ылыахтарын сөп.
