Киир

Киир

ХИФУ устудьуоннарыгар хоруона хамсыгын утары быһыыны олунньу 1 күнүттэн биэрэн саҕалыахтара. Бу туһунан университет пресс-сулууспата суруйар.

Билигин быһыыны биэриигэ бэлэмнэнии түһүмэҕэ ыытыллар: ким быһыы ылыан баҕарарын испииһэктииллэр, кинилэр доруобуйаларын туругун чинчийэллэр. "Биһиги «Спутник V» быһыына бу баскыһыанньаҕа тутуохтаахпыт. Ол кэллэ да бэнидиэнньиктэн быһыыны туруорбутунан барыахпыт. Биэстии киһини ыҥыра-ыҥыра бэрдэриэхпит, испииһэктэри деканаттар биэрэллэр. Биир ампула биэс киһини укуоллуурга туттуллар, онон биэстэн кыра киһи кэллэ да ампуланы арыйбаппыт", – диэн ХИФУ клиникатын дириэктэрин солбуйааччы Гаврил Эбиль кэпсээбит.

Вакцинаны икки түһүмэҕинэн биэрэллэр: бастакы быһыы кэнниттэн 21 хонон баран иккистээн биэрэллэр. Быһыыны ылыахтарын иннинэ устудьуоннары булгуччу быраас көрөр-истэр, быраастар сүбэлэринэн босхо ИФА анаалыһын туттарыахтарын сөп. Ыалдьыбыт киһи 6 ый ааспытын кэннэ бу быһыыны ылыан сөп. 18 саастарын туола иликтэр, хат, оҕо эмтэрэр дьахталлар, тумуулуу сылдьаааччылар, аллергиялаахтар уонна дьарҕаа ыарыылара көбө сылдьар дьоҥҥо быһыыны туруорбаттар. Дьарҕаа ыарыылаахтар ыарыылара көбөн 2-4 нэдиэлэ ааспытын эбэтэр үтүөрбүттэрин кэннэ быһыыны ылыахтарын сөп. Улуустарга баар устудьуоннар миэстэтигэр ылыахтара.

Тарҕат:

Санааҕын суруй