Киир

Киир

Нам улууһун Салбаҥыгар  ФАП саҥа дьиэтэ арылынна. Тутуу "Доруобуйа" национальнай бырайыак иитинэн тутуллубут. Бу туһунан доруобуйа харыстабылын министиэристибэтин пресс-сулууспата иһитиннэрэр.

ФАП саҥа дьиэтин арыйыы үөрүүлээх тэрэһһинигэр доруобуйа харыстабылын миниистирин бастакы солбуйааччыта Алексей Яковлев, Нам кииннэммит ороуоннааҕы балыыһатын кылаабынай бырааһа Ариан Сергеев, улуус баһылыга Юрий Слепцов, Салбаҥ баһылыга Сахаян Аргунов, "СахаУниверсал" ХЭУо генеральнай дириэктэрэ Тимофей Попов кыттыыны ылбыттар. Билигин Нам улууһугар 9 ФАП үлэлии турар: Арбыҥҥа, Фрунзе, Түбэ, Бөтүҥ, Граф Биэрэгэ, Искра, Таастаах, Салбаҥ, Никольскай сэлиэнньэлэригэр, маны таһынан 2 биэлсэр пууна баар: Маймагаҕа уонна Кыһыл Дэриэбинэҕэ. 2020 сылтан улууска "Земскэй биэлсэр" бырагырааматынан 2 биэлсэр үлэлии кэлбит.  

 

Тарҕат:

Санааҕын суруй

Бүтэһик сонуннар