Арассыыйа ФСБ-тын Саха сиринээҕи управлениетын сотрудниктара Амыр уобалаһынааҕы кэллиэгэлэрин кытары радикальнай исламы тутуһар Киргизия гражданинын Э.-ни сокуону кэһиитин кэмигэр тохтотон хаайтардылар.
ФСБ үлэһиттэрэ быһаарбыттарынан, Киргизия Ош уобалаһыттан Саха сиригэр харчы өлөрө кэлбит киһи олохтоохтор ортолоругар кутталлаах радикальнай бөлөххө дьону хомуйууннан дьарыктаммыт, кинилэри террористарга кыттыһан тас дойдуга баралларыгар хайыталаһан үлэ бөҕөнү ыыппыт. Онуоха террористартустарынан бобуулаах медиафайллары көрдөртөөбүт, боевиктарга көмөлөһөллөрүгэр ыҥырбыт, ол иһигэр террористар кэккэлэригэр киирсэллэрин ситиһэ сатаабыт.
Тохсунньу 21 күнүгэр 1-кы Илиҥҥи байыаннай уокуруктааҕы суут кинини Арассыыйа ХК 205.1 ыст. 1 ч. (террористарга көмөлөһүү) буруйдааҕынан аахпыт уонна 5,5 сылга уопсай эрэсиимнээх холуонньаҕа утаарбыт. Бириигэбэр сокуоннай күүһүгэр киирбит.
