Госуслуги судаарыстыбаннай өҥөлөрү оҥорор киин нөҥүө Саха сирин олохтоохторо коронавирус дьаҥын утары быһыыны ыларга суруйтарыахтарын сөп буолла. Бу иннинэ тохсунньу 18 күнүттэн бу портал нөҥүө сурутууну тургутан көрбүттэрэ.
Туһанааччыларга табыгастаах буоллун диэн, портал сүрүн сирэйигэр туспа баннер баар буолбут, ону баттаатыҥ да, быһыыны ыларга суруйтарар туһааннаах сиргэ сирдэтэн тиийэҕин. Онуоха сайабылыанньаҕа сорох дааннайдар аптамаатынан киирбиттэр, эһиги табыгастаах бириэмэни уонна ханнык балыыһаҕа быһыыны ыларгытын суруйаҕыт. Хоруона хамсыгын утары быһыыны 18 саастарын туолбут туох да утарсар сибикитэ суохтар: тумуулуу сылдьыбат, вакцинация иннинэ 14-30 күн ыалдьыбатах дьон ылыахтарын сөп.
