Киир

Киир

Ааспыт нэдиэлэҕэ куорат травмпуунугар 770 улахан киһи уонна 116 оҕо көмө көрдөөн тиийбит. Олортон 158 киһи уулуссаҕа эчэйбит, ол иһигэр 56 улахан киһи халтырыйан охтубут. Бу туһунан Дьокуускай дьаһалтатын планеркатыгар отчуоттаатылар.

5 киһи ыкка ытыттаран көрдөрүммүт, онтон иккитигэр хаһаайыттар бэйэлэрин ыттарыгар ытыттарбыттар. 188 куорат олохтооҕо “бытовой эчэйиини”, 6 киһи – производствоҕа, 151 киһи уулуссаҕа эчэйиини ылбыттар.

Ааспыт нэдиэлэ устатыгар травмпуҥҥа 116 оҕо көрдөрүммүт. 70 оҕо дьиэҕэ эчэйбит, 21 - спортивнай дьарык кэмигэр, 18 – оскуолаҕа, 7 – уулуссаҕа.

Суһал көмө сууккаҕа ортотунан 408 ыҥырыыны бэлиэтэммит. Нэдиэлэ устатыгар 1547 суһал көмөнү көрдөөн эрийбиттэр. 299 чааһынай түгэнтэн 13 сүһүрүү уонна 286 эчэйии, олортон 42-тэ – кириминээл, 80 – дьиэҕэ эчэйии, 2 бэйэҕэ тиийинии.

Суһал көмө иккитэ ыкка ытыттарыыга тиийбит, 8-та – үлүйүгэ, 5-тэ – суол саахалыгар, 4-тэ – баһаардарга. 21 киһи өлбүт.

Тарҕат:

Санааҕын суруй

Бүтэһик сонуннар