Түптээх үлэтэ суох 6 Дьокуускай куорат олохтоохторо биир күннээх сымыйа тэрилтэлэри арыйа-арыйа 26 мөл.солк. тахса харчыны уорбуттар. Бу туһунан өрөспүүбүлүкэ борокуратууратын пресс-сулууспата иһитиннэр.
Силиэстийэ сабаҕалыырынан, уорбаланааччылар 2016-2017 сыллардаахха икки сымыйа тэрилтэ аатыттан урбаанньыттары, тэрилтэлэри уонна биирдиилээн дьону кытары табаар аҕалалларын туһунан сымыйа дуогабар түһэрсибиттэр. Онуоха ылбыт табаардарын босхону үрдүнэн эрэ атыылаабыттар, ол харчыларын бэйэлэригэр иҥэриммиттэр. Инньэ гынан, уопсайа 26 мөл. солк. тахса харчыны 31 биирдиилээн дьонтон уонна тэрилтэлэртэн ылан бэйэлэрэ сиэбиттэр. Уорбаланааччылар 10 сылга дылы хаайыыга барыахтарын сөп.
