Кулун тутар 29 күнүттэн "Аэрофлот" авиахмпаанньа Москубаттан Дьокуускай дылы көтөр эриэйсэлэрин сөргүппүтүнэн барыаҕа. Бу туһунан Дьокуускай аэропордун пресс-сулууспата иһитиннэрэр.
""Аэрофлот" эриэйсэлэрэ сайыҥҥы расписанияҕа сөбүлэһиннэриллэн киирдэ. Москуба-Дьокуускай-Москуба хайысханан бэнидиэнньиктэн субуотаҕа дылы нэдиэлэҕэ 6-та көтөр буолуохтара", - диэн иһитиннэриигэ суруллар.
"Аэрофлот" хоруона хамсыгынан сибээстээн 2020 сыл сайын саҕаланыытыттан көппөт буола сылдьыбыта. Билигин дойду тэбэр сүрэҕэр Дьокуускайтан "Якутия" уонна S7 авиахмпаанньалар көтөллөр. Оттон муус устар 29 күнүттэн "Уральские авиалинии" Дьокуускайтан Екатеринбурга уонна Санкт Петербурга көтөр эриэйсэлэрин сөргүтүөҕэ.
