Ис дьыала министиэристибэтин Абый улууһунааҕы полиция отделениета Ураһалаах орто оскуолатыгар тахсыбыт быһыылаан чахчытынан процессуальнай бэрэбиэркэни ыытар. Бу туһунан ИДьМ пресс-сулууспата иһитиннэрэр.
Олунньу 13 күнүгэр улуустааҕы киин балыыһаҕа муннута тостубут 30 саастаах нуучча тылын учуутала киирбит. Учуутал муннун 10 кылаас үөрэнээччитэ тоһуппута биллибит. Билигин сокуоннай саастарын ситэ илик оҕолору кытары үлэлэһэр полиция салаата үөрэнээччи төрөппүттэригэр РФ административнай кодексын 5.35 ыст. административнай дьыаланы көбүппүт. Маны таһынан, үөрэнээччини кытары психолог үлэлиирин, улуустааҕы үөрэх управлениетыгар араллаан төрдүн-төбөтүн суох гынарга дьарайбыт. Охсубут уол бу иннинэ полицияҕа учуокка турбатах диэн иһитиннэрэллэр.
