Киир

Киир

Дьааҥы улууһун киин балыыһатын быраастара улуус кырыы, суола-ииһэ суох нэһилиэктэригэр: Барыласка, Сартаҥҥа нэһилиэнньэни көрө-истэ туруннулар. Ол кэннэ, нэдиэлэ буолан баран, аны Арыылаахха барыахтара.

 Барылас-Сартаҥ-Арыылаах хайысханан лаборант уонна көһө сылдьар флюорограф барыахтара. Улуус кылаабынай бырааһын солбуйааччы Оксана Бобенко иһитиннэрбитинэн, быраастар бу кырыы нэһилиэктэргэ кыһыҥҥы суолунан эрэ сылдьар кыахтаахтар. Онтон атын кэмҥэ мэдэссиинэ көмөтө санавиацианан эрэ ыытыллар кыахтаах. "Командировкаҕа окулист, неврапатолог, акушер-гинеколог,педиатр, хирург уонна лаборант бардылар. Кинилэр 7 күн устатыгар вахтовик-массыынаннан сылдьан нэһилиэктэри кэрийиэхтэрэ, миэстэтигэр дьоҥҥо мэдэссиинэ көмөтүн, көрүүтүн оҥоруохтара, диспансеризацияны ыытыахтара", - диэн Оксана Бабенко этэр.

Быраастар хааны чинчийэр лаборатория тэрилин, көһө сылдьар ФЛГ аппараатын уонна ЭКГны илдьэ барбыттар. Нэһилиэнньэни көрөн-истэн баран эмтэнии ньымаларыгар сүбэни биэриэхтэрэ, наада буоллаҕына улуустааҕы балыыһаҕа эмтэнэргэ ыытыахтара.

Тарҕат:

Санааҕын суруй