Маннык тумус тылынан салайтаран, 2022 сылга Чурапчы улууһун Туора Күөл нэһилиэгэр саҥа оскуола-саад дьэндэйиэ.
Саҥа тутуу икки мэндиэмэннээх, 130 оҕоҕо анаммыт. Госстройжилнадзор пресс-сулууспата иһитиннэрэринэн, саҥа оскуола-саад уорҕайыгар үөрэнэр кылаастар, уус кыһата, холумтан хоһо, оҕо эмчитин кэбиниэттэрэ баар буолуохтара. Оҕо уһуйааныгар – кырачаан, орто, обургу уонна бэлэмнэнии саастаах бөлөхтөрүнэн арахсан сырдык, киэҥ хостор ананыахтара. Кырачааннар сайдар кэскиллэрин уһансан, уһуйаан анал методическай, ырыа, гимнастика хосторунан хааччыллыаҕа. Уһуйаан киэҥ уораҕайын күөх сирэмигэр, оҕо сайынын оонньуур күлүк хаххалаах ырааһыйалар арыллыахтара, эти-хаанын эрчийэр, сүүрэр-көтөр физкультурнай хонуулаах буолуоҕа, ону таһынан биир ордук кэрэхсэбиллээҕэ – төрөппүттэргэ ордук табыгастаах буоллун диэн анал массыына тохтуур, оҕолорун кэтэһэр сири оҥоруохтара.
Бэлиэтээн эттэххэ, оскуола-саад тутуута “Тыа сирин территорияларын 2020-2025 сылларга сайыннарыы” судаарыстыбыннай бырагыраамма чэрчитинэн ыытыллар. Тутуу уопсай үбүлээһинэ – 328 мөл. солк., онтон федеральнай бүддьүөттэн – 299, 8 мөлүйүөнү, өрөспүүбүлүкэттэн – 17, 1 мөл. солк. көрдүлэр.
