Сылын аайы ыытыллар үтүө үгэскэ кубулуйбут саахымат-дуобат күөн күрэһигэр, көрүстүлэр 1 № - дээх уонна 2 № - дээх холуонньалар бэрэстэбиитэллэрэ. Маннык тэрээһиннэр буруйдарын боруостуу сылдьар сууттааммыт дьоҥҥо үтүө сабыдыаллаахтар диэн бэлиэтииллэр Саха сиринээҕи УФСИН пресс-сулууспатыгар.
Икки тус туһунан холуооньалар олохтоохторо бэйэлэрин икки ардыларыгар хамаанданан арахсан, бэрт көхтөөхтүк саахымакка-дуобакка кииристилэр.
Сэрэбиэй быһыытынан күөн көрсөөччүлэринэн арахсан, ким кыайтарбыт туораан иһэр диэн эрдэттэн үлэһэн киирсэн, көх-нэм, күө-дьаа буолан бириэмэлэрин билбэккэ атаардылар.
Интеллектуальнай күөн күрэс кыайыылаахтарынан таҕыстылар 1 № - дээх холуонньа бэрэстэбиитэллэрэ.
Маннык хабааннаах тэрээһиннэр сыаллара-соруктара – буруйдарын боруостуу сылдьар сууттаммыт дьон ортолоругар спортивнай, интеллектуальнай өйү-санааны сайыннарыы, иллэҥ кэмнэрин туһалаахтык атаарыы.
Саха сиринээҕи УФСИН пресс-сулууспата