Киир

Киир

“Уус Ньара-Хонуу” хайысханнан кыһыҥҥы суолунан Муома улууһугар дылы таһаҕаһы тиэрдии суол туругунан сибээстээн ыараабытын иһитиннэрэллэр. Бу туһунан “Сахаэнерго” суруйар.

Тэрилтэ генеральнай дириэктэрэ Гаврил Алексеев Муома, Томпо, Өймөкөөн улуустарыгар сылдьыбыт. Кини ол сылдьан кыһыҥҥы суол туругун көрбүт-истибит. Билигин бу улуустарга суола-ииһэ суох кырыы нэһилиэктэргэ баар дизель электростанцияларыгар уматыгы тиэрдии тыын боппуруоһунан буолар. Кини ордук ыарахан балаһыанньа “Уус Ньара-Хонуу” кыһыҥҥы суолунан ыараабытын, онно суол туруга мөлтөөбүтүн этэр. Бу кыһыҥҥы суол Индигир өрүс кыараҕас хомотунан ааһар, икки өттүттэн хайалар сабардыыллар, онон бу хайалаах сири уҥуордуур атын суол диэн суох. Аны туран, тарыҥнаан массыына ааһарыгар өссө биир харгыс буолбут. Онон улахан уйуктаах массыыналар кыайан айаннаабат кыахтаммыттар. “Сахаэнерго” Көлө министиэристибэтигэр суолу оҥорууну түргэтитэргэ көмө көрдөөн эппит.

Тарҕат:

Санааҕын суруй