Хоруона хамсыгын бохсо сылдьар, быһаччы “кыһыл зонаҕа” үлэлиир мэдэссиинэ үлэһиттэрин оҕолорун СКЭҕэ бэлэмнээһин саҕаланна. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Быраас оҕолорун СКЭни туттаралларыгар устудьуоннар, эдэр учуонайдар, аспираннар уонна ХИФУ 8 институтуттан 33 уһуйааччы бэлэмниэхтэрэ. Кинилэр нуучча тылыгар, литэрэтиирэтигэр, математикаҕа, историяҕа, биологияҕа, обществознаниеҕа, физикаҕа, химияҕа, англия тылыгар уонна информатикаҕа бэлэмниэхтэрэ. Буор-босхо маннык көмөнү быйыл үрдүк үөрэххэ туттарсар мэдэссиинэ үлэһиттэрин оҕолоро туһанар кыахтаахтар. Уопсайа 12 улуустан 100 оҕону хабыахтара. Бастакы дьарыктан нуучча тылыгар уонна математикаҕа кулун тутар 4 күнүттэн саҕаламмыттар.
