Киир

Киир

Эрэгийиэннээҕи эстибит "Стерх" страховка тэрилтэтин салайааччы, Ил Түмэн дьокутаата Семен Березин тэрилтэ сымыйа үп докумуоннарын оҥоруутун иһин суут иннигэр эппиэттиэҕэ. Бу туһунан Саха сирин борокуратууратын пресс-сулууспата суруйар.

Силиэстийэ сабаҕалыырынан, уорбаланааччы Березин страховкалааһыҥҥа улахан суумаҕа сымыйа дуогабардары оҥорбут, отчуотка хампаанньа туох да сүҥкэн үлэни ситиспитин туһунан сымыйаннан киллэрбит. Инньэ гынан, кини Арассыыйа Киин баана тэрилтэ лиссиэнсийэтин былдьыырыттан уонна моҥкуруукка барыыттан куотуна сатаан, тэрилтэ үбүнэн бэрт үчүгэй туруктааҕын көрдөрө сатаабыт. Онуоха Киин Баан 2019 сыл атырдьах ыйыгар сымыйа докумуоннарынан отчуоттаабыттарын билбитэ уонна алтынньыга хампаанньа лиссиэнсийэтин былдьаабыта. 2020 сыл тохсунньутугар суут тэрилтэни моҥкуруукка ыыппыта. Березиҥҥэ тэриллибит холуобунай дьыаланы Дьокуускай куораттааҕы суут көрүөҕэ. "Биир ньыгыл" эрэгийиэннээҕи салаата Семен Березины баартыйаттан үүрдэ. 

Тарҕат:

Санааҕын суруй