Киир

Киир

Саха сиригэр 2024 сылга дылы билими сайыннарыыга судаарыстыбаннай бырагыраамаҕа 1 млрд солк. тахса үп көрүллүбүт.

Бу туһунан Ил Дархан Айсен Николаев “Университеты и развитие геостратегических территорий России” сугулаан пленарнай мунньаҕын кэмигэр эппит. “Ааспыт сыл бүтүүтүгэр биһиги 2024 сылга дылы эрэгийиэн научнай-тэхэниичэскэй сайдыытын саҥа концептуальнай судаарыстыбаннай бырагырааматын ылыммыппыт. Ити бырагыраамаҕа көрүллүбүт былааннары олоххо киллэриигэ 1 млрд солк. тахса үп көрүллүөҕэ”, - диэн Айсен Сергеевич бэлиэтээбит. Бу үбүнэн Саха сиригэр баар билим-чинчийэр кииннэрин, Саха сирин учуонайдара социальнай-экэнэмиичэскэй сайдыыга туһуламмыт саҥа арыйыыларын өйүүргэ, Арктиканы баһылааһыҥҥа уонна Аан дойдутааҕы сэлии киинин тэрийиигэ, каадырынан хааччылыыга, аан дойду таһымыҥар күрэстэһэр кыахтаах үөрэтэр-чинчийэр тиһиги тэрийиигэ туһаныахтара. “Университеты и развитие геостратегических территорий России” сугулаан ХИФУ көҕүлээһининэн, дойду билимҥэ уонна үрдүк үөрэхтээһиҥҥэ министиэристибэтэ, Арассыыйа билимҥэ академията уонна өрөспүүбүлүкэ бырабыыталыстыбата өйөөһүннэринэн ыытыллар.

Тарҕат:

Санааҕын суруй

Бүтэһик сонуннар