Тыа хаһаайыстыбатын миниистирин урукку солбуйааччытын сулууспалаах балаһыанньатын туһанан туран атын киһи баайын-дуолун уорбутун иһин 3,5 сылга усулуобунай болдьоххо ыыттылар. Бу туһунан Арассыыйа Силиэстийэлиир кэмитиэтин Саха сиринээҕи управлениета иһитиннэрэр.
Экс-миниистир солбуйааччыта Николай Петров биир урбаанньыкка тутуу матырыйаалын туһаҕа таһаарарга уонна тутууну ыытарыгар, итиэннэ гаас ситимин тардарга аукциоҥҥа кыайарыгар көмөлөһөрүн эппит. Ол оннутугар кини Хатаска баар учаастагар урбаанньыт 300 тыһ. солк. дьиэ тутарыгар көрдөспүт. Миниистир солбуйааччытын этиитин быһа гыммакка, урбаанньыт дьиэни тутан биэрбит, ол эрээри Петров эрэннэрбитин толорботох, тоҕо диэтэххэ, кини оннук боломуочуйата отой да суох эбит. Суут кэмигэр кини буруйун билиммэтэх, ол да буоллар буруйа дакаастанан, урукку миниистир солбуйааччыта 3,5 сылга усулубуонай болдьоҕу ылла итиэннэ Чурапчы улууһугар уонна Хатаска баар уопсайа 1 мөл. солк. сыаналаах сир учаастактарын бобууга уурдулар.
