Дьокуускай куорат сыбаалкатын бөҕү тоҕор полигонугар умайыы бүгүҥҥү күн туругунан – умулунна, суох оҥорулунна. Ол туһунан иһитиннэрдэ, «Жилкомсервис» муниципальнай, унитарнай тэрилтэ сүрүн инженерэ Юрий Сильченко.
“Куорат сыбаалкатын бөҕү тоҕор полигонугар умайан тахсыы бүтүннүү умуруорулунна, көрдүгэннии сытара аны суох. Кумаҕынан кутуу, тэҥнээһин үлэтэ этэҥҥэ түмүктэннэ. Аҕалыллыбыт бөҕү тутуу үлэтэ бу кэмҥэ да, тиһигин быспакка бара турбута. Билигин полигон күннээҕи үлэ эрэсиимигэр толору төнүннэ” – диэн бигэргэттэ Юрий Сильченко.
