Киир

Киир

Мииринэйгэ саҥа аэровокзал тутуута былааннаммыта балачча кэм буолла. Ол бэйэтэ тутуллуута саҕаланыахча саҕаламмакка, тендердэрэ көһөрүллэн, номнуо 2021 сыл сааһыгар үктэннибит.

Мииринэйтэн Удачнайдыыр шоссеттан саҥа аэровокзал туруохтаах сиригэр диэри биэс биэрэстэ усталаах суол быйыл сайын аспаалынан бүрүллүөхтээх.Бу суолу кыйа саҥа уот ситимэ, уу уонна ититии утума таҥыллыахтаахтар.Аэровокзал икки этээстээх буолуохтаах. Бырайыагы Санкт-Петербургдааҕы институт оҥорбут.Аэровокзал аныгы барылынан сирдэтэн улахан куораттар гиэннэриттэн итэҕэһэ суох буолуохтаах.

Кини холбоһугар сөмөлүөттэр өрөмүөннэнэр бөдөҥ ангардара, аэродрому хааччыйар тиэхиникэ, сибээс, уматыгынан хааччыйыы учаастактара киирэллэр.Бу сүҥкэн тутууга үс бэдэрээччит кыттыыны ылара быһаарыллыбыта.Олор истэригэр - Турция хампаанньата. Омук хампаанньата чуолаан көтөр балаһаны, сөмөлүөттэр турар сирдэригэр салайар суоллары, саахалы утары ыстаансыйа тутуутунан дьарыктаныахтаах.Көтүү балаһата илин, Оччугуй Ботуобуйа үрэҕин диэки өссө эбии уһатыллыахтаах. Көтөр балаһа үс биэрэстэ уһуннаах буолара былааннаммыт.Саҥа аэропуорт тутуутугар федеральнай киин уонна «АЛРОСА» хампаанньа үптэрэ туһаныллыахтаахтар.Быйыл аэровокзал холбоһугун уонна көтүү балаһатын тутуута саҕаланыахтаахтар.

Станислав Алексеев, Мииринэй куората.

Тарҕат:

Санааҕын суруй