Киир

Киир

“А-331 Бүлүү” федеральнай суолун оперативнай дьуһуурунайа мин ыйытыкпар эппиэттээбитинэн, Таас-Үрэхтэн Верхнемарковоҕа диэри кыhыҥҥы суол муус устар 15 күнүгэр букатыннаахтык сабыллыаҕа.

Муус устар 1 күнүттэн ылата ыарахан уйуктаах массыыналар сырыылара хаарчахтанан, бобуллан барар. Онон бу былдьаһыктаах күннэргэ Мииринэйтэн Усть-Куттуур массыына субуллан олорор.Бу ахсынньыттан муус устар ыйыгар эрэ диэри туһаныллар кыһыҥҥы айан суолун устун, биир сылга быhа холуйан 300-350 тыhыынча туонна таhаҕас тиэллэр.Бу абыраллаах кыһыҥҥы суолунан араас таһаҕас кэлэр буолан Мииринэй оройуона аһаан-таҥнан, тутуу матырыйаалын, уматыгынан, тиэхиньикэнэн хааччыллан олорор.Тэҥнээн көрдөххө, Өлүөнэ өрүс устун, Осетрово пуордуттан 400 тыhыынча туонналаах таһаҕас суудуналарга тиэллэн Ленскэй пуордугар кэлэр. “Таас Үрэх –Верхнемарково” (730 км) кыhын эрэ үлэлиир айан суола букатыннаахтык сабыллара 24 күн хаалла.

Таарыйа эттэххэ, бу суол туругар эппиэттээхтик сыhыаннаhар уолдьаста. “Мииринэй – Верхнемарково” икки ардыларыгар айан суола аныгы ирдэбиллэргэ эппиэттиир гына кутуллубакка турар. Манна, бастатан туран, Саха сирин социальнай-экэнэмиичэскэй сайдыытыгар дьоhуннаах кыттыыны ыла илик (НДПИ, уонна атын нолуоктартан босхоломмуттара) нефтяниктар уонна гаас салаатын тэрилтэлэрэ интэриэстээхтэр . “Мииринэй – Верхнемарково” айан суолун тутууга кинилэр кыттыыны ылаллара уолдьаста.

Станислав Алексеев, Мииринэй куората.

 

Тарҕат:

Санааҕын суруй