Дьокуускай куораттааҕы 3 №-дээх балыыһаҕа үлэлиир Чэмэлиинэ Сокорутова – өрөспүүбүлүкэ иһинэн ыытыллар «Бастыҥ оҕо бырааһа» куонкуруска, «Бастыҥ учаастактааҕы педиатр» номинацияҕа кыайыылааҕынан таҕыста. Бу күрэх «Педиатрия уонна неонатологтя актуальнай боппуруостара» научнай-практическай кэнпириэнссийэ чэрчитинэн ыытыллан, ааспыт нэдиэлэҕэ түмүгүн таһаарда. Үрдүк наҕарааданан бэлиэтээһин - эдэр үлэһит үтүө суобастаах үлэтин чаҕылхай туоһута буолла.
Чэмэлиинэ Сокорутова 2003 сыллаахха СГУ Мэдэссиинэ үнүстүтүүтүн бүтэрбитэ. Интернатуратын ааһарыгар Саха сирин Доруобуйа Харыстабылын министиэристибэтинэн – Саха сирин саамай уһук хоту сытар улууһугар – Аллараа Халымаҕа анаммыта. 2010 сылтан Дьокуускай куораттааҕы 3 №-дээх балыыһаҕа үлэтин саҕалаабыта. 2015 сыллааха, «Педиатрия» диэн идэҕэ аттестационнай үлэтин көмүскүөҕүттэн, киниэхэ 1 – кы квалификациялаах категория иҥэриллибитэ.
Бэйэтин үлэтигэр эдэр быраас сүрүн болҕомтотун уурар оҕо доруобуйатын харыстабылыгар оҕо ийэ иһигэр үөскүөҕүттэн кэтээн көрөргө, ыарыылары сэрэтиигэ, оҕону диспансеризацияҕа.
Ордук бэлиэтиэҕи баҕарыллар, эдэр идэлээх үлэһит 3 №-дээх балыыһа уопсастыбыннай олоҕор көхтөөх актыбыыс.
2020 сылга, Саха сирин Доруобуйа Харыстабылын министиэристибэтинэн – Чэмэлиинэ Петровнаҕа – «Саха сиринээҕи доруобуйа харыстабылын туйгуна» үрдүк аат иҥэриллибитэ.
Дьокуускай куораттааҕы 3 №-дээх балыыһа пресс-киинэ
Сэҥээриилэр
birini seçerek ilgili nöbetçi eczaneye anında ulaşabilirsiniz.
Feel free to surf to my web page :: Czy możesz wziąć 4 tabletki levothyroxine na raz na trich: http://bentyl4pro.top/pl/qguakr7g5eb