Кэнники 20 сылга Саха сиригэр сэллик ыарыылаахтар уонна эмтиир тэрилтэлэргэ сэллигинэн учуокка турар ыарыһахтар ахсааннара биллэ аччаабыт. Бу туһунан ыстатыыстыка дааннайдара кэпсииллэр.
Өскөтүн 2000 сыллаахха аан бастаан сэллик диагнозтаах 865 киһи булуллубут эбит буоллаҕына, 2019 сылга - 487 киһи буолбут. Оттон учуокка турар киһи ахсаана 20 сыллааҕыта 2784 эбит буоллаҕына, бүтэһик дааннайдарынан 832 киһи буолбут.
Санатар буоллахха, сарсын, кулун тутар 24 күнүгэр Аан дойдутааҕы сэллиги бохсор күн бэлиэтэнэр.
