Киир

Киир

Ырыаҕа ылламмыт Өлөөн өрүһүн мууһугар хотугу улуус саамай киэн туттар тэрээһинэ –Таба бырааһынньыга буолан ааста. Чаҕылхай күннээх, күөх мэндээркэй халлааннаах буолан дьон да хото мустубут.

Бары көхтөөх буоланнар, олус бэртээхэй тэрээһин ыытыллыбыт. Ырыа-тойук, үҥкүү-битии, быһыйдар күрэхтэрэ, көс олохтоох хоһуун табаһыттар олохторун-дьаһахтарын көрдөрөр дьаарбаҥка уонна да атын тэрээһиннэр бэрт сэргэхтик ыытылыннылар.
Бу Таба бырааһынньыга Кирбэй нэһилиэгин 80, "Өлөөн" сопхуос 60 сылын туолууларыгар анаммыта бырааһынньык суолтатын үрдэттэ. Манна Мииринэй куоратыттан уонна Сүлдьүкээр сэлиэнньэтиттэн анаан-минээн оҥостон ыҥырыылаах ыалдьыт буолан тиийдилэр, тэрээһинтэн олус астыннылар, сөхтүлэр.

IMG 20210323 WA0017

IMG 20210323 WA0013

IMG 20210323 WA0014
Бэлиэтээн эттэххэ, Сүлдьүкээр уонна Өлөөн эбэҥкилэрэ – уруулуу брангат ууһун дьоно буолаллар.Сүлдьүкээргэ 90-с сыллар ортолоругар диэри таба ииттэ сылдьыбыттара. Билигин да биирдиилээн төрүт-уус общиналар, Сүлдьүкээр тыаларыгар таба ииттэр баҕалаахтар.
Билиҥҥи бырамыысалыннас сайдыбыт усулуобуйата ону көҥүллүүрэ уустук да буоллар, дьон ыра санаа гынан иитиэхтээн илдьэ сылдьар санааларын ыһыктыбаттар.
Сүлдьүкээр эбэҥкилэрэ табаларын олус диэн ахталлар, урукку ыстаадалардаах кэмнэрин саныыллар.

Станислав Алексеев, Мииринэй куората.

Тарҕат:

Санааҕын суруй

Бүтэһик сонуннар