Киир

Киир

Аҕыйах сыллааҕыттан бэттэх Светлэйдээҕи индустриальнай техникум (МРТК) ньиэп уонна гаас салаатын үөрэтэр кыһанан буолбута.


Манна үөрэммит ыччаттар Мииринэй уонна Ленскэй оройуоннарыгар үлэлиир углеводород сырьетын чинчийэр-тургутар уонна хостуур тэрилтэлэригэр үлэлии киирэр кыахтаахтар. Ордук чуолаан, үүттүүр-чүүччэйэр скважиналарга, ньиэп хостооһунун самалык үлэлэригэр эдэр, тэхиниичэскэй идэлээх дьон ирдэнэллэр.
Ол – монтажник, силиэсэр, мэхээньик, электрик, лаборант идэлэрэ.
Нефтяник идэтигэр тэхиниичэскэй билиини сэргэ көмпүүтэри, туһааннаах бырагараамалары билии наада. Урукку хары күүһэ сүтэн турар.Маннык идэҕэ Светлэйдээҕи индустриальнай техникумҥа үөрэтэллэр.
Сунтаар ыччата Светлэйгэ үөрэнэ барарыгар Саха сирин атын улуустарын ыччаттарынааҕар судургу.Светлэй бөһүөлэгэ Мииринэй куораттан 70 биэрэстэ эрэ ыраах.Оттон Мииринэйтэн Сунтаарга диэри – 220 биэрэстэ.Аныгы кэминэн, чугас сытар диэххэ сөп.
Сунтаар ыччата, итиччэ ыҥырар буоллахтарына, маннык кэскиллээх идэҕэ холонуон сөп этэ.

Станислав Алексеев.,Мииринэй куората. Ааптар фотота.

Тарҕат:

Санааҕын суруй