Киир

Киир

Саха сирэ Красноярскай кыраайы кытары Попигайдааҕы кытаанах алмаас баайдаах сири туһаҕа таһаарыыга үлэлиэхтэрэ. Бу алмаастаах сир икки эрэгийиэн быысаһар сиригэр, метерит кратерын 100 км сиригэр баар. Бу туһунан РАН Сибиирдээҕи салаатын бэрэссдэттэлэ Валентин Пармон ТАССка кэпсээбит.

Кини этэринэн, Попигайдааҕы сир баайдаах сир бөҕө инструменнары оҥорорго туһаныллар минералларынан баай. Кини этэринэн, бу сири туһаҕа таһаарыыга икки эрэгийиэн ылсаллара ордук, бу сир Красноярскай кыраай иһигэр баар, ол эрээри суола:ииһэ Саха сиринэн ааһар. 70-с сылларга сэбиэскэй геологтар онно ордук ураты “кытаанах алмаастары” – импактиттары булбуттара. Ити алмаас боростуой алмаастааҕар икки төгүл кытаанахтар уонна тутулларынан уратылаһаллар. Оччолорго синтетическэй алмааһы оҥорууга болҕомто ууруллубут буолан, ити сир баайын сиһилии чинчийии тохтотуллубут уонна чып кистэлэҥҥэ ууруллубут. 21-с үйэ саҕаланыыта “чып кистэлэҥ” гриф көтүрүллүбүт.

Тарҕат:

Санааҕын суруй