Муус устар 2 күнүнээҕи туругунан, Саха сиригэр эбии 25 киһи хоруона хамсыгар хаптарбыта биллибит. Бу туһунан брифинг кэмигэр вице-премьер Ольга Балабкина эттэ.
Ол курдук, ордук элбэх ыарыһах киин куораппытыгар бигэргэммит —15 ыарыһах, Чурапчыга, Мииринэйгэ — иккилии киһи, Аммаҕа, Нерюнгрига, Ньурбаҕа, Өлүөхүмэҕэ, Тааттаҕа, Уус Алдаҥҥа — биирдии киһи. Суукка устатыгар өрөспүүбүлүкэ лабораториялара 1814 коронавирус анаалыһын оҥорбуттар, хамсык саҕаланыаҕыттан маннык 1 мөл. 12 тыһ. 448 анаалыһы чинчийбиттэр.
Бүгүн өрөспүүбүлүкэҕэ эбии 30600 вакцина дозата кэллэ. Ону бэнидиэнньиктэн эмтиир тэрилтэлэринэн тарҕатыахтара.
