Киир

Киир

Үүнэр көлүөнэ пуондата иһитиннэрэринэн, өрөспүүбүлүкэ 2022 сылга ыытыллар II норуоттар икки ардыларынааҕы интеллектуальнай оонньууларга бэлэмнэнэр.

“Норуоттар икки ардыларынааҕы интеелектуальнай оонньуулара оҕолор билиминэн, технологияннан үлүһүйэллэригэр, өйгө оҥорон көрүүлэрэ сайдарыгар, норуоттар икки ардыларынааҕы хамаандаҕа үлэлэһэллэригэр суолу тэлэр. Биһиги бу оонньуулары хас да түһүмэхтээн ыытары торумнуубут. Оонньуу финалыгар сыыпара платформатыгар норуоттар икки ардыларынааҕы хамаандаҕа киирсэн бырайыагы оҥоруохтара. Оҕолор киһи-аймах глобальнай кыһалҕаларын быһаарарга, ол иһигэр Арктика сайдыытын быһаарарга STEAM-бырайыактары таҥарга норуоттар икки ардыларынааҕы хамаандаҕа киирсэн, дистанционнай үлэҕэ кыттыһыахтара. Тэрээһин кэнсиэпсийэтин өрөспүүбүлүкэ үөрэҕин министиэристибэтэ уонна Үүнэр көлүөнэ тус сыаллаах пуондата оҥороллор”, - диэнпуонда генеральнай дириэктэрэ Владимир Егоров кэпсээбит. Оонньуу кыайыылаахтара аан дойду бас-көс билим кииннэригэр стажировканы ааһар кыахтаныахтара, норуоттар икки ардыларынааҕы тэрээһиннэргэ кыттыахтара. Бастакы оонньуулар 2018 сыллаахха ыытыллыбыттара, онно 40-ча дойдуттан оҕолор уонна эспиэрдэр кыттыбыттара.

Тарҕат:

Санааҕын суруй