Киир

Киир

 Муус устар 7 күнүттэн 10 күнүгэр диэри Уус Майда оройуонугар доруобуйа харыстабыла төрүттэммитэ 100 сылынан сибээстээн, улуустааҕы киин балыыһаҕа Саха сиринээҕи офтальмологическай клиническэй балыыһа офтальмолог-быраастарын  биригээдэтэ үлэлээтэ.

 
 Биригээдэ  үлэтин түмүгүнэн , Уус Майда улууһун 40 олохтооҕун көрдүлэр уонна эпэрээссийэлээтилэр. Медиктэр биригээдэлэригэр Марина Максимова уонна Иннокентий Белолюбский киирдилэр, итиэннэ мэдиссиинэ сиэстэрэлэрэ Людмила Рожина уонна Екатерина Стручкова үлэлээтилэр.
 
Бары өттүнэн бэлэм офтальмологическай биригээдэ харахтара катарактанан ыалдьар дьоҥҥо хирургическай көмөнү оҥордо. Мэдиссиинискэй чинчийиилэргэ Петропавловскай, Уус Майда, итиэннэ ыраах сытар Эльдикан, Күп, Эдьээн, Югоренок, Белькачи, Уус-Миил нэһилиэктэрин олохтоохторо сырыттылар. Ыарыһахтар саастара: 50 сааһыттан - 83 саастарыгар диэри.
 
«Манна миэстэтигэр кэлэн эпэрээссийэ оҥорон барбыттара олус хайҕаллаах суол. Биһиэхэ, биэнсийэлээхтэргэ олус үчүгэй - ыраах куоракка барарбытыгар эҥин харчы бараабатыбыт», - диэн  биэнсийэлээх Нина Юрьевна Полозова санаатын үллэстибит.
 
Александр Иванович Саснин Эльдикантан кыыһыгар арыаллатан кэлбит. Кини катарактаттан эрэйдэммитэ икки сыл буолбут, улуус киинигэр эпэрээссийэ оҥотторбутуттан сүргэтэ көтөҕүллэн сылдьар. 64 саастаах Владимир Игнатьевич Нахов, Уус Миил бырааһын ыҥырыытынан кэлбит, Дьокуускайга айанныыр олус кыһалҕалааҕын эмиэ ахтан аһарар.
Быраас-офтальмолог Мария Фролова иһитиннэрэринэн, бүгүҥҥү күн туругунан, бары эпэрээссийэлэммиттэр этэҥҥэ үтүөрэн балыыһаттан тахсыбыттар, кэлэн барбыт эмчтиттэргэ үтүө сатабылларын уонна чөлүгэр түспүт харахтарын иһин махталлара муҥура суох.
 
Уус Майдатааҕы Киин Балыыһа кэллэктиибэ Саха сиринээҕи офтальмологическай клиническэй балыыһаҕа, улуус олохтоохторугар анал мэдиссиинискэй көмөнү кэмигэр,  сатабыллаахтык оҥорон барбыттарын иһин барҕа махталын биллэрэр.
Тарҕат:

Санааҕын суруй

Бүтэһик сонуннар