Британия медиктэрэ сүбэлииллэринэн, дьон 21 саастарын кэннэ саҥа үөскээн-төрөөн тахсар мэҥнэргэ, тирии бээтинэлэригэр болҕомтолорун хатыахтаахтар.
Уопсайынан, киһи тириитигэр баар бээтинэлэр, мэҥнэр өҥнөрө, быһыылара, кээмэйдэрэ, ойуулара уларыйара сэрэхтээх. Ону таһынан, мэҥ үс нэдиэлэттэн ордук кэм устата кыһыйар, ыалдьар, хахтанар, хааннанар буоллаҕына, дьон тута бырааска баран көрдөрүнүөхтээхтэр. Ити – тирии араагын бастакы бэлиэлэрэ.
