Дьокуускай-Аллараа Бэстээх хайысхатынан паром сырыыта быһа холоон ыам ыйын 25 күнүттэн саҕаланыаҕа. Ол эрээри, муус устуута этэҥҥэ буоллаҕына, сырыы эрдэлиэн сөп. Бу туһунан СӨ Тырааныспарга уонна суол хаһаайыстыбатыгар министиэристибэтин пресс-сулууспата иһитиннэрэр.
Министиэристибэҕэ паромнар сырыыларын тэрийиигэ, бэрээдэктииргэ туоратааччыны, хонтуруоллуур, дьарайар уорганнары кытары номнуо кэпсэппиттэр.
Дьарайар уорганнар өрүһү туоруур сири тупсаран оҥорууга, массыына уочарата най барбатын туһугар сөптөөх суол бэлиэтин уурууга сүбэлээтилэр. Маны таһынан, тиксиигэ уонна паромҥа бэрээдэги кэһээччилэри уодьуганныыр курдук автоматическай фото уонна видеофикцация баар буоларын көтөхтүлэр.
Аллараа Бэстээх-Дьокуускай хайысхатынан быйыл уонтан аҕыйаҕа суох паром сылдьыаҕа. Оттон өрөспүүбүлүкэ өрүстэригэр 50-ча суудуна дьону уонна тырааныспары туоратыыга үлэлиэҕэ.
