Киир

Киир

 Маннык быһаарыыныыны өрөспүүбүлүкэтээҕи хамсыгы утары охсуһар суһал ыстаап ылынна.

Хамсыгынан ыалдьыы таһыма үрдээбитинэн сибээстээн, өрөспүүбүлүкэтээҕи суһал ыстаап муус устар 16 күнүгэр - Өрөспүүбүлүкэ күнүн муус устар 27 күнүгэр уонна Үлэ, Саас Бырааһынньыгын ыам ыйын 1 күнүгэр, маассаабай тэрээһиннэри боборго быһаарыыныыны ылынна.

Бу иннигэр, өрөспүүбүлүкэ сүрүн бырааһын солбуйааччы Изабелла Самойлова бэлиэтээбитинэн, алта күн иһигэр Саха сиригэр хамсыгынан ыалдьыы 279 түбэлтэтэ бэлиэтэммит, бу икки нэдиэлэ аннараа өртүнээҕи көрдөрүүнү икки төгүл куоһарар. Өрөбүл күн, муус устар 18 күнүгэр өрөспүүбүлүкэ үрдүнэн бүтүннүүтэ 78 хамсыгынан ыалдьыы түбэлтэтэ бэлиэтэммит. 18 – 29 саастаах эдэр ыччат ортотугар ыалдьыбыт дьон ахсаана икки төгүл элбээбит, ону таһынан оскуола оҕолорун, устудьуоннар уонна аҕам саастаах дьон ортотугар ыалдьыы таһыма үрдээбитэ бэлиэтэнэр.

Өрөспүүбүлүкэ Роспотребнадзор тэрилтэтиттэн, өрөбүллэргэ уонна бырааһынньык күннэригэр ыытыллыахтаах туох баар аралдьытар, успуорт, быыстапка о.д.а. маассабай тэрээһиннэрин муус устар 8 күнүттэн ыам ыйын 8 күнүгэр диэри букатын боборго этии киллэрдилэр. Итиэннэ биэдэмистибэҕэ сааскы барааһынньык күннэригэр тэрилтэлэринэн күргүөмнээн мустан тахсан айылҕаҕа барылларыттан туттунарага ыҥырдылар.

Бүгүн, муус устар 19 күнүгэр, суһал ыстаап брифинг тэрээһинин өрөспүүбүлүкэ сүрүн бырааһын солбуйааччы Изабелла Самойлова иилээн-саҕалаан ыытыаҕа. Брифинг саҕаланыыта: 15.00.

Тарҕат:

Санааҕын суруй

Бүтэһик сонуннар