Муус устар 19 күнүнээҕи туругунан, өрөспүүбүлүкэҕэ эбии 75 киһи коронавирустаабыт. Бу туһунан хамсыгы бохсор өрөспүүбүлүкэтээҕи суһал ыстаап иһитиннэрэр.
Ол курдук, Дьокуускайга 48 киһи ыалдьыбыт. Мэҥэ Хаҥаласка — 7, Алдаҥҥа, Чурапчыга — 5-тии, Уус Алдаҥҥа — 4, Нерюнгрига — 3, Тааттаҕа — 2, Намҥа — биир киһи ыалдьыбыттара бигэргэммит.
Ааспыт сууккаҕа өрөспүүбүлүкэ лабораториялара 791 коронавирус анаалыһын оҥорбуттар. Уопсайа хамсык саҕаланыаҕыттан 1 035 320 маннык чинчийии ыытыллыбыт.
