Саамай аатырар хайысхалар быйыл – Крым уонна Краснодарскай кыраай.
Иккис сылын Арассыыйа олохтоохторо хамсык хааччаҕынан сибээстээн, уоппускаларын сабыылаах кыраныссалар истэригэр былаанныырга күһэллэллэр. Чинчийии көрдөрөрүнэн ыйытыллыбыт дьон сайыҥҥы уоппускаларыгар маннык хайысахалары талбыттар: 6 %; ыйытыллыбыт дьон Крымҥа, 5 % - Краснодарскай кыраайга, 1 % - Калининградскай уобаласка. Арассыыйа устун атын хайысхаларынан - 5 % респондент айанныа, кинилэр барар хайысхалара – Байкал күөлэ, Алтаай кыраайа, Карелия, Москва, Санкт-Петербург уо.д.а. Кыраныысса таһыгар, аһаҕас туристическай хайысхаларга 4 % ыйытыллыбыт дьон барыан баҕалаах. Атын нэһилиэнньэлээх пууҥҥа ыалдьыттыы – 3 % респондент айанныан былаанныыр. 3 % эрэ ыйытыллыбыт дьон Турцияҕа уоппускаларын атаарар баҕалаахтар, өскөтүн бу хайысха аһылыннаҕына. Ханна да тэлэһийбэккэ дьиэлэрин-уоттарын таһыгар сынньалаҥнарын атаарарга 18 % ыйытыллыбыт дьон билинэр, оттон даачаҕа эбэтэр дэриэбинэҕэ – 10 % уоппускалаах дьон-сэргэ. Оттон бу кэлэр сайын төрүт да уоппуска көрүллүбэт диэн иһитиннэрдилэр 28 % ыйытыллыбыт Арассыыйа олохтооҕо.
Дьахтар аймах эр дьоннооҕор чаастатык Краснодарскай кыраай куруортарын талар эбит ( 6% утары 4%) уонна ыалдьыттыы айанныылларын (4% утары 2%). Ким сайыҥҥы сынньалыҥын аһаҕас, тас дойдуну кытта сибээстиирэ, 80 тыһыынчаттан үөһэ хамнастаах дьон ортолоругар элбэхтэрэ билиннэ (8%).
Ыйытыы ыыра: Россия, бары уокуруктар
Нэһилиэнньэлээх пууннар: 471
Ыйытыы күнэ-ыйа: муус устар 15-19 күннэрэ, 2021 сыл
Чинчийии араҥата: 18 саастарыттан үөһэ саастаах, Арассыыйа актыыбынайдык үлэлиир-хамныыр нэһилиэнньэтэ.
Хас киһи кыттыбыта: 3000
