Аҥардас 3 ый иһигэр дистанционнай масыанньыктар Саха сирин олохтоохторуттан 74 мөл. солк. уордарбыттар. Бу туһунан ИДьМ пресс-сулууспата иһитиннэрэр.
"2021 сыл 3 ыйын иһигэр информационнай-телекоммуникационнай технологияларынан туһанан өрөспүүбүлүкэ олохтоохторугар 694 буруйу оҥоруу бэлиэтэммит: 459 дистанционнай түөкүннээһин уонна 235 баан картаттыттан уоруу", — диэн иһитиннэриигэ ыйыллар. Бу кэм устатыгар 74,17 мөл. солк. уордулар, ити ааспыт сыллааҕар икки төгүл элбэх. Ыстатыыстыка көрдөрөрүнэн, ордук 30-49 саастаах дьон маннык угаайыга киирэн биэрэллэр. Ити уопсай буруйу оҥорууттан эмсэҕэлээбит дьонтон 42%-на буолар, оттон 60 саастарын ааспыт дьон — 10%. Саха сирин олохтоохторун ордук сымыйа "баан үлэһиттэрэ" албынныыллар, маны таһынан, Саха сирин олохтоохторо атыы-эргиэн дуогабарын түһэрсиигэ уонна түргэнник байары сымыйаннан эрэннэрэр албастарга киирэн биэрэллэр.
