Войти

Войти

Муус устар 21 күнүгэр Өрөспүүбүлүкэбит күнүн көрсө, Сунтаар сэл. Сибиэрэп киинин дьоҕус саалатыгар “Саха тылын кэскилэ” төрөөбүт тылбыт өлбөт-сүппэт сарсыҥҥытын ыраҥалаһар, кыһалҕалары ырытыһар, соруктары туруорунар сүбэ-мунньах тэрилиннэ.

Мунньах Сунтаар улууһун култууратын уонна айылгытын уонна үөрэҕириитин салалталарын икки ардыларыгар эдэр салайааччылар Мария Кобельянова, Альберт Иванов инникитин өссө былааннаахтык, ситимнээхтик, кэскиллээхтик үлэлэлэһэргэ икки өрүттээх сөбүлэҥ түһэрсиитин үтүө түһүмэҕиттэн саҕаланна. Сөбүлэҥ сүрүн ис хоһоонугар, бу икки салалта улуу киһибит С. А. Зверев – Кыыл Уолун аатын үйэтитиигэ, кини хаалларбыт култуурунай нэһилиэстибэтигэр кэнчээри ыччаты иитиигэ, айымньыларын тарҕатыыга, сайыннарыыга, төрөөбүт төрүт тылбыт сайдыытыгар, төрүт култуурабыт үтүө үгэстэригэр олоҕуран, “Сунтаар – Олоҥхо дойдутун оҕотобун” диэн патриотическай тыыҥҥа оҕону иитиигэ, өрө тутууга, төрүт бырааһынньыкпыт – ыһыах тэрээһинигэр көхтөөх кыттыыны ылыыга, култуура тэрилтэлэрэ оҕону уонна ыччат иллэҥ кэмин тэрийэн ыытыытыгар утумнаахтык үлэлэһэргэ уонна да атын сүрүн соруктар киирдилэр.

3b20e148 fd3e 48dd 800d 382251ccf10b

f14646bb cad5 4221 830f 704fa4012b21

Сүбэ-мунньахха улуус баһылыгын социальнай уонна имиджевай бэлиитикэҕэ солбуйааччыта Гаврил Еремеев, үөрэҕирии эйгэтин үлэһиттэрэ, ордук чуолаан саха тылын учууталлара, култуура үлэһиттэрэ, эбии үөрэхтээһин тэрилтэтиттэн, оҕо уһуйааныттан, дьаһалтаттан, улуус хаһыатын эрэдээксийэтиттэн отучча киһи көхтөөх кыттыыны ыллылар.

72ed0e3e 0604 4260 b082 285013a43864

Биллэн турар, бу билигин эрэ күөдьүйэн тахсыбыт кыһалҕа буолбатах, манна мустубут сахабыт тылын сарсыҥҥытын туһугар долгуйар дьон хас биирдиилэрэ син биир кыраттан саҕалаан уруккуттан баччаҕа диэри тылбыт сүтэн-оһон хаалбатын туһугар күннэтэ үлэни ыытан кэлбит дьон, ол эрэн бу тэрээһиҥҥэ кинилэр бары биир киһи курдук, бу хамсааһын үөһэттэн өйөбүллээх, тирэхтээх буолан эрэриттэн үөрэллэрин этиннилэр.

78cee156 8c63 4bb5 8c31 0ae9eb18e5bf

Сүбэ-мунньахха тылбыт тула сытыы кыһалҕалары ырытыһан, анааран, араас кэскиллээх этиилэр киирдилэр, олор бары олоххо киириэхтэрэ диэн эрэнэбит. Ол онно төһүү күүс, биллэн турар, бу күн саҥа талыллыбыт төрөөбүт тылбыт туһугар туруулаһар түмсүү буоларыгар саарбахтаабаппыт. Түмсүү салайааччытынан сүүс бырыһыан илии уунан, өйөбүлү ылбыт Сунтаар улууһун үөрэҕириитин салалтатын начаалынньыга Альберт Иванов, оттон солбуйааччытынан – култуура хотуна Мария Кобельянова-Тускулаана буоллулар.

Тыл сахалыы дорҕооно,
Сахалыы өйө,
Барҕа баайа,
Өҥө-дьүһүнэ,
Минньигэһэ,
Ууһа,
Кэрэтэ,
Күүһэ,
Хомуһуна –
Бары баар буоллахтарына биирдэ
Тылбыт өлүөр туруктанар,
Саха бүтүн куттанар,
Сүдү күүстээх сүрдэнэр –
Өлбөт-өспөт үөстэнэр,
Өрөгөйдөөх тирэхтэнэр!…
Өҥ үктэллэнэр.
 
Дапсы.
Марианна Поскачина, Сунтаар.
Тарҕат:

Добавить комментарий