Войти

Войти

 

Сабыылаах өрүс суолугар массыынанан тахсааһын ыстарааба - гражданнарга үс тыһыынчаттан биэс тыһыынчаҕа диэри халбаҥныыр.

ГИМС, ГИБДД уонна Дьокуускай куоратын дьаһалтатын административнай хамыыһыйата муус устар 27 күнүттэн сабыллыбыт өрүс туорааһыныгар массыынанан сылдьыы бобуутун туһунан сокуон ирдэбиллэрэ төһө толорулларын бэрэбиэркэлии эрийэдэлэргэ тахсар буолуохтара, диэн иһитиннэрэр Саха сиринээҕи ГИБДД ИДЬМ салалтата.

Санатыбыт, маннык сокуону кэһии түбэлтэтигэр Саха сиринээҕи КоАП 9.10. ыстатыйатынан сөп түбэһиннэрэн “Өрүс суолугар олохтоох дьаһалта уурааҕынан анал хааччахтаммыт болдьох кэмигэр, ханнык баҕар тырааныспар көрүҥүнэн киирии” гражданнарга үс тыһыынчаттан биэс тыһыынчаҕа тиийэ ыстараабынан накаастанар.

Дуоһунастаах сирэйдэргэ ыстараап 12 тыһыынчаттан 15 тыһыынчаҕа тиийэ буолар, юридическай сирэйдэргэ - 100 тыһыынчаттан биир мөлүйүөҥҥэ тиийэ суоһуур.

Дьокуускай – Аллараа Бэстээх өрүһү туорааһын сокуон уурааҕынан муус устар 19 күнүттэн сабыллыбыта.

Госавтоинспекция туох баар суоппардары, пассажирдары, автотранспортнай тэрилтэлэр салайааччыларын сокуону тутуһаргытыгар ыҥырар, бобуулаах мууска тахсыбаккытыгар.

«Бүгүҥҥү күннээххэ номнуо саарбах туруктаммыт муус суоллары туоруу сатаамаҥ. Бэйэҕит уонна атын дьон олохторун толук уурумаҥ» - диэн этиллэр иһитиннэриигэ.

Тарҕат:

Добавить комментарий