Войти

Войти

 

Оҕолору ыраахтан үөрэтии көрүҥэр көһөрөр туһунан бирикээскэ, бүгүн муус устар 23 күнүгэр илии баттаныа. Ол туһунан иһитиннэрдэ куораттааҕы үөрэҕирии салалтатын салайааччыта Алексей Семенов.

«Ыраахтан үөрэнии туһунан бирикээс бүгүн ылыллыаҕа, сарсыҥҥыттан олоххо киириэҕэ – муус устар 24 күнүттэн. Чопчу ханнык хааччахтааһыннар, хаһыс кылаас оҕолоро бу хааччахтарга хабыллалларын, субу билигин этэр кыаҕым суох, тоҕо диэтэххэ мин соҕотоҕун быһаарыыныы ылыммаппын » - диэн быһаарда Семенов.

Үөрэҕирии салайааччыта бигэргэттэ, Саха сирин билимин уонна үөрэҕирии министиэристибэтэ “Дьокуускай куорат үөрэтэр тэрилтэлэригэр дьаҥы утары уонна сэрэтэр туох баар миэрэлэри тутуһуу туһунан” бирикээс таһаарбытын туһунан. Семенов бэлиэтээтэ, бу социальнай ситимнэргэ тахсыбыт хаартыскалаах докумуон, министиэристибэҕэ бас бэринэр тэрилтэлэргэ анаммыт.

Саха сирин билимин уонна үөрэҕирии министиэристибэтин бирикээһигэр ыйыллыбытынан, ыраахтан үөрэнии көрүҥэр Дьокуускйа куорат 5-8 кылаастарын үөрэнээччилэрэ муус устар 23 күнүттэн ыам ыйын 8 күнүгэр диэри көһүөхтээхтэр, хамсык балаһыанньата уустугурбутунан сибээстээн.

Муус устар 20 күнүгэр, Саха сирин аҕа баһылыга Айсен Николаев өрөспүүбүлүкэҕэ бастакы британскай штамм хамсык көрүҥэ булуллубутун туһунан биллэрбитэ. Хамсык бу көрүҥүнэн Турцияттан сынньанан кэлбит дьиэ кэргэнтэн икки киһи ыалдьыбыта быһаарыллыбыт. Биирдэрэ номнуо эмтэнэн үтүөрдэ.

Өрөбүл күннэргэ Саха сиригэр култуурунай тэрээһиннэри ыытыы бобулунна. Кафелар, бардар, эрэстэрээннэр лоп курдук түүн үөһүгэр эрэ диэри үлэлиэхтэрэ. Хамсык балаһыанньата өрөспүүбүлүкэ үрдүнэн уустугурбутунан сибээстээн Өрөспүүбүлүкэ күнүгэр анаммыт өрөгөйдөөх тэрээһин итиэннэ ыам ыйын бастакы күнүгэр анаммыт үгэс буолбут хаамсыы бобулуннулар. Хамсык саҕаланыаҕыттан бүтүннүүтэ Саха сирин үрдүнэн 34 488 киһи ыалдьан баран эмтэнэн үтүөрдүлэр.

Тарҕат:

Добавить комментарий