Киир

Киир

 

Ыам ыйын 4 күнүттэн 7 күнүгэр диэри, тэрилтэлэр бэйэлэрин үлэһиттэригэр үлэ бэрээдэгин бэйэлэрэ көрөн быһаарыахтара. Бу быһаарыныы докумуонунан бигэргэтииилибит буолуохтаах. Ол туһунан бэнидиэнньиккэ буолан ааспыт брифиҥҥэ иһитиннэрдэ Россия вице-премьера Татьяна Голикова.

«Былаас уорганнара, атын уорганнар уонна тэрилтэлэр, үлэ биэрээччилэр бэйэлэрин көрүүлэригэр үлэҕэ хас киһи тахсарын быһаараллар, ол быыһыгар хас киһи ыраахтан олорон үлэлиирин. Бу быһаарыылар бирикээһинэн эбэтэр эппитинэстээх уорган уурааҕынан, чуолкайдык үлэ бэрээдэгин ыйан туран».

Голикова иһитиннэрбитинэн, үлэлээбэт күннэр тустарынан быһаарыныыны хамсыгы утары охсуһууну кытта сибээстээн ылбыттар. “Үлэһиттэр ырааахтан олорон үлэлииллэрэ үлэ сокуонунан көҥүллэнэр, өскөтүн үлэ эбээһинэстэрэ ыраахтан олорон үлэлииргэ толору кыаллар буоллахтарына”, - диэн эбэн эттэ вице-премьер.

Татьяна Голикова тоһоҕолоон туран бэлиэтээтэ, өскөтүн хамнас бэриллэр күнэ бу үлэлээбэт күннэргэ сөп түбэһэр буоллаҕына, тэрилтэ салайааччылара үлэһиттэригэр хамнастарын эрдэтинэ биэрэллэрэ булгуччулаах диэн.

Вице-премьер этэринэн, ыам ыйын бырааһынньык икки ардыларыгар түбэһэр үлэлээбэт күннэр хамнас түһүүтүгэр төрүөт буолуо суохтаахтар. «Уураахха хапсыбыт үлэһиттэргэ үлэ дуогабарынан көрүллүбүт толору хамнаһы төлүүргэ, бу үлэлээбэт күннэргэ кини үлэ бириэмэтинэн толору нуорманы үлэлээбитин тэҥэ, эбэтэр оҥорон таһаарыы үлэтин орто күннээҕи кээмэйинэн» - диэн сиһилии быһаарда Татьяна Голикова.

«2021 сылга ыам ыйыгар үлэлээбэт күннэр бааллара дьоҥҥо-сэргэҕэ хамнас намтатыытын төрүөтэ буолуо суохтаах», - диэн тыл эттэ Голикова. Ону таһынан хайдах вице-премьер секретариатыгар быһаарбыттарынан бу күннэргэ үлэҕэ ыҥырбатахтар эмиэ хамнас төлөөбөт буолуутугар сылтах буолуо суохтаах.

Ааспыт бээтинсэҕэ, ыам ыйын бырааһынньыктарын икки ардыларынааҕы күннэри үлэлээбэт күннэринэн ааҕарга, Владимир Путиҥҥа Роспотребнадзор баһылыга Анна Попова этии киллэрбитэ, вице-премьер Татьяна Голикованы, итиэннэ атын кэллиэгэлэрин, учуонайдары, быраастары кытары сүбэлэһии кэнниттэн. Попова этэринэн, маннык быһаарыныы тахсара дойдуга хамсык балаһыанньатын арыый да намыратыа этэ. Владимир Путин кини этиитин өйөөтө. Бэрэсидьиэн бэлиэтээтэ, бу иннинэ кини үгүстүк бэйэтин кэллиэгэлэрин исписэллистэр уонна вирусологтар этиилэрин истэллэригэр ыҥырбытын санатта.

Владимир Путин үлэлээбэт күннэринэн ыам ыйын 4 -7 күнүгэр диэри биллэрдэ. Бырааһынньык күннэрэ ыам ыйын 1 – 3 күнүгэр диэри уонна ыам ыйын 8-10 күнүгэр диэри салҕаныахтара.

Тарҕат:

Санааҕын суруй